माओवादीका अर्का नेताको वडामा एमाले विजयी

माओवादी केन्द्रका नेता गिरिराजमणि पोखरेलको बर्दिबास नगरपालिकाको ३ नम्बर वडामा माओवादी केन्द्र पराजित भएको छ ।

पूर्व मन्त्रीसमेत रहेका पोखरेलको वडामै माओवादी केन्द्रका उम्मेदवार गणेश बस्नेत हारेका हुन् । उनलाई नेकपा एमालेका उम्मेदवार विराट विष्टले १२२ मतको अन्तरले पराजित गरेका हुन् ।

निर्वाचन अधिकृत भुपेन्द्र सापकोटाले एमाले उमेदवार बिष्टलाई विजयी घोषणा गरेका हुन् । विष्टले एक हजार ५१५ मत पाउँदा बस्नेतले एक हजार ३९३ मत प्राप्त गरेका थिए ।

बर्दिबासमा माओवादी केन्द्रले अहिलेसम्मको मतपरिणाममा अघिल्लो निर्वाचनमा जितेका तीन स्थान गुमाएको छ । नेपाली काँग्रेसले दुई वटा वडा गुमाएको छ ।