नगरकोटभरि हलोको झण्डा

राष्ट्रिय प्रजातन्त्र पार्टीले भक्तपुरमा खाता खोलेको छ । चाँगुनारायण नगरपालिका वडा नम्बर ६, नगरकोटमा राप्रपा उम्मेदवारले वडाध्यक्ष जितेका छन् । सो वडाबाट धनबहादुर लामा वडाध्यक्षमा विजयी भएका हुन् ।

यो वडाका सबै सदस्य पनि राप्रपाले जितेको छ । सदस्यमा निर्वाचित हुनेमा वीरमान तामाङ र आरती लामालगायत छन् । लामाले एक हजार ४११ मत ल्याए । उनका निकटतम् प्रतिस्पर्धी एमालेका उम्मेदवार विष्णु लामाले एक हजार २०३ मत ल्याएका थिए ।

सो वडामा २०७४ को निर्वाचनमा राप्रपाबाट लामा नै उम्मेदवार थिए । तर, उनलाई एमालेका सन्तबहादुर वाइवाले हराएका थिए । वडामा नेपाली काँग्रेसले पनि राप्रपालाई सहयोग गरेको थियो । जिल्लामा भक्तपुर, मध्यपुर थिमि, चाँंगुनारायण र सूर्यविनायक गरी चार वटा नगरपालिका छन् ।

भक्तपुर र सूर्यविनायकमा १०-१० र मध्यपुर थिमि र चाँंगुनारायणमा नौ-नौ गरी यहांँ कुल ३८ वटा वडा छन् । २०७४ को निर्वाचनमा राप्रपाले एउटा पनि वडामा जित्न सकेको थिएन ।