काँग्रेस उपसभापति खुमलटारमा

सत्ता गठबन्धनमा को पहिले प्रधानमन्त्री बन्ने भन्ने रस्साकस्सी चलिरहँदा नेपाली काँग्रेसका नेता खुमलटार पुगेका छन् । पहिलो चरणमा प्रधानमन्त्री बन्न स्वयम् काँग्रेस सभापति तथा प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच दाबी बढ्दै गएको अवस्थामा काँग्रेस उपसभापति पूर्णबहादुर खड्का आज बिहान खुमलटार जानुभएको हो । 

दुई नेताबीच बिहान पौने १० बजेदेखि साढे १० बजेसम्म कुराकानी भएको बताइएको छ । हिजो बिहान बालुवाटारमा प्रधानमन्त्री देउवा र अध्यक्ष प्रचण्डबीच भेटवार्ता भएको थियो । साँझ नेकपा एकीकृत समाजवादीका अध्यक्ष माधवकुमार नेपाल बालुवाटार पुग्नुभएको थियो ।