राजधानीको सडकमा तमु ल्होछार र्याली

राजधानीको सडकमा बिहानै तमु ल्होछार र्याली निकालिएको छ । नयाँ सडकको जुद्ध बारुण यन्त्र कार्यालय अघिल्तिरबाट जुलुस निकालिएको हो ।

तमु ल्होछार मूल आयोजक समिति काठमाडौंको आयोजनामा निकालिएको जुलुसमा सहभागीले विभिन्न जिल्लाका गुरुङ समाजको गुरुङ ड्रेस, झाँकी र ब्यानर बोकेका छन् । उनीहरुले ‘छुटेर होइन जुटेर मनाऔं ल्होछार, एकता अस्थित्व पहिचान र समृद्धिको लागि सम्पूर्ण तमुहरु एकजुट होऔं’ भन्ने मूल उद्देश्य र नारा तय गरेका हुन् । 

आयोजक समितिका अध्यक्ष कर्ण गुरुङको अध्यक्षतामा निकालिएको र्याली  बसन्तपुरबाट न्युरोड गेट, वीर अस्पताल, रत्नपार्क, पुरानो बसपार्क, भद्रकाली, शहीदगेट, सुन्धारा हुँदै टुँडिखेल पुग्ने बताइएको छ ।