बुध्द एअरको झण्डै आधी सीटमा प्रधानमन्त्रीको टोली सवार

एक छिनअगाडि बुध्द एयरको उडान नम्बर BHA-609 बाट माओवादी केन्द्रका अध्यक्ष तथा प्रधानमन्त्री पुष्पकमल दाहाल 'प्रचण्ड' अर्थमन्त्री बिष्णु पौडेल र मुख्यसचिव शंकरदास वैरागीलगायत २४ सदस्यीय टाेलीसहित पोखरातर्फ प्रस्थान गर्नुभएको छ ।

आजदेखि सञ्चालनमा आउन लागेको पोखरा अन्तर्राष्ट्रिय विमानस्थलको औपचारिक उद्घाटनका निम्ति उहाँ केही बेरअघि पोखरातर्फ जानुभएको हो । उहाँले ताम्रपत्र अनावरण गर्दै विमानस्थलको अपरेसन शुभारम्भ गर्ने कार्यक्रम तय भएको छ । 

यही अवसर पारेर पोखरा महानगरपालिकाले सम्पूर्ण सरकारी कार्यालय,शैक्षिक संस्थामा सार्वजनिक बिदासमेत दिएको छ ।