एमाले अध्यक्ष घ्याम्पे डाँडा जाने,झापालीसँग सात सात सय उठाइने

एमाले अध्यक्ष केपी शर्मा ओली माघ २१ गते भक्तपुरको घ्याम्पे डाँडा जाने हुनुभएको छ । उहाँ सूर्य विनायक नगरपालिकाभित्र रहेको उक्त डाँडामा आयोजना गर्न लागिएको एमाले झापा–काठमाडौं सम्पर्क मञ्चको वनभोजमा सहभागी हुन लाग्नुभएको छ । 

ओलीको प्रमुख आतिथ्यमा आयोजना गर्न लागिएको वनभोजमा सामेल हुन इच्छुकले सात सय रुपैयाँ तिर्नुपर्ने छ । रकम तिरेका सहभागीलाई खाना र खाजाको निम्ति छुट्टाछुट्टै कुपनसमेत दिने व्यवस्था मिलाइएको हो । सर्वसाधारण सहभागीले स्टल नम्बर २ र ३ मा तथा अन्य विशिष्ट पाहुनालाई स्टल नम्बर १ मा खाना र खाजाको व्यवस्था मिलाइने जानकारी दिइएको छ ।

बृहत झापाली वनभोज कार्यक्रम २०७९ को निम्ति १९ सदस्यीय आयोजक समिति बनाइएको छ ।