प्रधानमन्त्रीको विरोध गर्ने क्याविनेट मन्त्री बर्खास्त हुँदा सडकमा उग्रता

इजरायलका प्रधानमन्त्री बेन्जामिन नेतान्याहूले आफ्नो क्याविनेटका रक्षामन्त्रीलाई बर्खास्त गरेका छन् । 

प्रधानमन्त्रीको सार्वजनक आलोचना गरेका रक्षामन्त्री योआव ग्यालेन्ट बर्खास्तीमा परेका हुन् । प्रधानमन्त्री नेतान्याहूको कार्यशैली र कदमको विरोध गरेको आरोपमा उनलाई पदमुक्त गरिएको बताइएको छ ।

राष्ट्रिय सुरक्षा कमजोर पार्ने गरी प्रधानमन्त्री नेतान्याहूले न्यायप्रणालीमा फेरबदल ल्याउन कानुन अघि सारेको सार्वजनिक कार्यक्रममा ग्यालेन्टले बताएका थिए । सोही अभिव्यक्तिपछि प्रधानमन्त्री नेतान्याहूले उनलाई बर्खास्त गरेका हुन् । 

रक्षामन्त्री ग्यालेन्टलाई बर्खास्त गरेपछि इजरायलमा सरकारविरुद्ध प्रदर्शन भएको छ । हजारौँ नागरिक सडकमा उत्रिएर प्रधानमन्त्री नेतान्याहूको कदमको विरोध जनाएका छन् ।