चुनावमा खटिएका सेनाको चिन्ता

विभिन्न अपरेशनल तालिमसहितका कार्यमा खटिने तथा विपदजस्ता आपतकालीन कार्यहरुमा परिचालन हुने फौजका लागि आवश्यक पर्ने ड्राइ राशनको आपूर्ति कार्यमा तोकिएको स्केलअनुसार आपूर्ति भएको छैन । एमआरई (मिल रेडी टु इट) जस्तो राशन स्केल हालै सम्पन्न प्रतिनिधिसभा निर्वाचनमा खटिँदा प्रयोग गरिएको थियो ।

दुःखको कुरा, ७० ग्राम चाउचाउ हुनुपर्नेमा ५५ ग्राम खाएर आफ्नो भोक टार्नुपर्ने अवस्था भयो । एक कप चियाको स्केलमा कम चिनी र दूधको प्याकेटसमेत दिइएन । गर्मीमा जुस पिउनका लागि दिइने पाउडर पनि स्केलभन्दा कम थियो ।

त्यसैमाथि ठेकेदारले समयमा आपूर्ति नगर्दा हामीलाई दैनिक महिनाको राशनबाट कट्टा गरी एमआरई रासनमा मिलान गर्न अप्ठेरो भएको छ । हालको आपूर्तिकर्ता चेक आदानप्रदानमा पनि केही समय कालोसूचीमा परिसकेको पात्र हो । 

– पीडित सैनिकका तर्फबाट