सेनामा लुकेको घाउ, जो कहिल्यै सुक्दैन

पछिल्लो समय नेपाली सेनाभित्र तल्लो दर्जाले उधारो पेन्सनमा राजीनामा दिने वा बीचमै जागिरछाडी विदेश पलायन हुनेहरूको संख्या ह्वात्तै बढेको छ । सेनामा भनसुन लाग्दैन, रोलक्रममा सबैकाम हुन्छ भनिन्छ । तर, यो त नक्कली पर्दा मात्रै हो । 

प्रधानसेनापतिको लाइनमा भएका दुई तारेहरूले आफू अगाडि जान र सिनियरको यात्रामा ब्रेक लगाउन आफूअनुकूल गोप्य निगरानी गरिरहने र मिडियाबाजी गराउने प्रवृत्ति बढ्दो छ । यहाँमात्र ब्रिगेडियरदेखि नै को प्रधानसेनापति हुन्छ भन्ने लाइनको आधारमा देउवा र कोइरालाजस्तै गुटबन्दी शुरु हुने गरेको छ । पछि जो प्रधानसेनापति भए पनि उसले गुटलाई दायाँ बायाँ र राम्रो विभागमा तान्छ । पछिल्लो दुई प्रधानसेनापतिको कार्यकाललाई हेर्दा छर्लंग हुन्छ ।

सैनिक सचिव विभागले नै अधिकृतहरूलाई पाँच तहमा वर्गीकृत गरेर त्यहीअनुसार व्यवहार गरिरहेको हुन्छ । विभागले जे भने पनि, जे गरे पनि प्रश्न उठाउने कोही जन्मेको छैन । प्रश्न उठाए पूर्वको पश्चिम र पश्चिमको दक्षिण पु¥याइदियो कि जागिर छाड्नुप¥यो, कि त सहनुप¥यो । 

‘फष्र्ट कलास अधिकृत’ मा स्टाफकलेज गरेका, आफन्त र चाकडीको प्रभावमा परेका सुपर–लुपर फास्ट ट्र्याकका अधिकृतहरू छन् । उनीहरूलाई ग्रेडिङको नाममा ५ देखि १० बेसिकसम्म टपाएर चिफसम्मको बाटो खुलाइन्छ । उनीहरूलाई कमाण्ड, अब्जर्भर, मिशनदेखि सबै सुविधा उपलब्ध हुन्छ । सेकेण्ड कलास अधिकृत भन्नाले स्टाफ क्लेज गरेका तर सुपर फाष्ट ट्य्राकको छायाँमा परेका अधिकृतहरू हुन् । यसमा जुनियर अधिकृतले महासेनानी या ब्रिगेडियर भइसक्दा पनि प्रमुख सेनानीमै कमाण्डसहित २ पटक अब्जरभर र मिशनसहित सुबिधा पाइसकेका हुन्छन् । ‘थर्ड क्लास अधिकृतहरू’ले स्टाफ कलेज गर्न नसकी २५औं वर्षसम्म सेनानीमै पल्टनमा जेसिओको ठुल्दाइ बनेर बसेका हुन्छन् । 

‘फोर्थ क्लास अधिकृत’ भन्नाले प्राविधिक वा टिओ बेसिक गरेका अधिकृत हुन् । इन्फेन्ट्री द्वन्द्व भए पनि प्राविधिकले आ–आफ्नो ट्रेडअनुसार सुविधायुक्त विलासी जीवन बिताइरहेका हुन्छन् । ‘पाँचाैँ तहको अधिकृत’ भन्नाले इनसर्भिसबाट रिएकाइ जिएनसिओ भनेर चिनिने अधिकृत हुन् । 

उनीहरूलाई उमेरहदको कारण देखाउँदै राम्रो तालिम, अब्जर्भर र मिशनबाट वञ्चित गराइन्छ । यहाँसम्म विभेद कि सिभिलमा खरिपाटी छिरेकालाई प्राथमिकता दिएर १ वर्षअगाडि पासिङ आउट भएकार १५/१६ वर्ष अब्बल बनेर सेवा गरेका दाइहरूलाई भन्दा पछिका योङ क्याडेटलाई सिनियर बनाउँछन् र तिनीहरूलाई नै दुई पटकसम्म मिशन दिन्छन् । हालै छानिएका अधिकृतहरूको लहर हेरौँ । ५७ बेसिकको योङ अधिकृत भनिएकाहरू जान शुरु हुँदा ५१ बेसिकसँगै पासिङ आउट भएका ४२ बेसिकमा रुवाबासी छ । यतातिर प्रधानसेनापतिको ध्यान कहिले गएन । प्रेत आत्माहरू !