घरभित्रै घाँटी रेट्ने अपराधीको खोजी तीब्र

रौतहटमा घाँटी रेटिएको अवस्थामा एउटा शव फेला परेको छ । देवाही गोनाही नगरपालिका–६, कर्कच कर्मैयामा विभत्स तरिकाले हत्या गरेको अवस्थामा पुरुषको शव फेला परेको हो ।

स्थानीय ३५ वर्षीय जगरनाथ साह कानुको धारिलो हतियारले घाँटी रेटेर हत्या गरिएको इलाका प्रहरी कार्यालय गरुडाले जनाएको छ । प्रहरीका अनुसार साहको घरमै हत्या भएको प्रारम्भिक अनुसन्धानबाट खुलेको छ ।

हत्यामा संलग्नको खोजी कार्य जारी रहेको र घटनाबारे थप अनुसन्धान भइरहेको इलाका प्रहरी कार्यालय देवाही गोनाहीले जनाएको छ ।