सुन लिएर नेपाल छिरेका भारतीय सीमामै रोकिए

मोरङमा एक भारतीय नागरिक सुनसहित पक्राउ परेका छन् । 

विराटनगर महानगरपालिका-१३ स्थित सडकबाट ५१ ग्राम ७३ मिलिग्राम अवैध सुनसहित भारतको कलकत्ताका २९ वर्षीय सान्तनु मेहिती समातिएका हुन् । सिआरभी जतुवाबाट खटिएको प्रहरी टोलीले भारतबाट नेपालतर्फ आउँदै गरेका उनको चेकजाँच गर्ने क्रममा उक्त सुन फेला परेको बताएको छ । 

बरामद सुनसहित मेहितीलाई आवश्यक अनुसन्धान तथा कारबाहीको निम्ति राजस्व अनुसन्धान कार्यालय ईटहरी पठाएको प्रहरीले जनाएको छ ।