कोशी किनारमा युवतीलाई निर्घात कुट्ने एक जना पक्राउ

सुनसरीको वराहक्षेत्र नजिकै सप्तकोशी किनारमा तीन जना युवतीमाथि भएको निर्घात कुटपिटमा संलग्न एक जनालाई प्रहरीले पक्रेको छ ।

कोशी किनारमा युवतीहरूको एउटा समूहले अर्को समूहमाथि निर्घात कुटपिट गरेको भिडियो सामाजिक सञ्जालमा बाहिरिएपछि घटनामा संलग्न एक जनालाई पक्राउ गरिएको जिल्ला प्रहरी कार्यालय सुनसरीले जनाएको छ ।

प्रहरीकाअनुसार फरार चार जनाको खोजी कार्य भइरहेको छ । 

गत शुक्रबार सप्तकोशी किनारको राजाबासमा पाँच जना युवतीको समूहले तीन जना युवतीमाथि निर्घात कुटपिट गरेका थिए । उक्त घटना सामाजिक सञ्जालमा भाइरल बनेको छ ।