सुन तस्करीका आरोपीहरु १० दिन थुनामै रहने

राजश्व अनुसन्धान विभागले एक क्विन्टल सुन तस्करीमा संलग्न रहेको आरोपमा पक्राउ परेकाहरुलाई १० दिन थुनामा राखेर अनुसन्धान गर्न अदालतबाट अनुमति पाएको छ । 

आज उच्च अदालत पाटनले पक्राउ परेका छ जनालाई १० दिन थुनामा राख्न अनुमति दिएको छ । 

हङकङबाट आएको कार्गोमा सवारी साधनको ‘ब्रेक सु’ भित्र लुकाएर ल्याइएको सुन त्रिभुवन अन्तर्राष्ट्रिय विमानस्थल भन्सार कार्यालयबाट जाँच पार गरिसकेपछि राजश्वको टोलीले हिजो सिनामंगल नजिकैबाट नियन्त्रणमा लिएको थियो । सुन तस्करीमा संलग्न रहेको आशंकामा चिनियाँ नागरिक चछ्याङ लिनसहितका छ जना पक्राउ परेका छन् ।