बसभित्र वृद्धामाथि सामूहिक बलात्कार

दाङमा ७३ वर्षीया वृद्धामाथि सामूहिक बलात्कार भएको छ । 

सामूहिक बलात्कार गरेको आरोपमा तुलसीपुर उपमहानगरपालिका–१५ का ३० वर्षीय पुष्कर रोका र सल्यान कुमाख गाउँपालिका–७ का २० वर्षीय रेशम विकलाई प्रहरीले पक्रेको छ ।

उनीहरुले गएराति तुलसीपुर उपमहानगरपालिका–५ स्थित बसपार्कमा राखिएको ना.४ ख ७८४८ नम्बरको बसभित्र प्युठानकी ७३ वर्षीया वृद्धामाथि सामूहिक बलात्कार गरेका हुन् ।

इलाका प्रहरी कार्यालय तुलसीपुरबाट खटिएको टोलीले उनीहरुलाई नियन्त्रणमा लिएर आवश्यक अनुसन्धान अघि बढाएको छ ।