सुन काण्डका थप आरोपितलाई नौ दिन थुनामा राखिने

त्रिभुवन विमानस्थल भन्सार कार्यालयबाट एकाएक एक क्विन्टल सुन बाहिरिएको काण्डमा पक्राउ परेका चार जनालाई थप हिरासतमा राखेर अनुसन्धान गरिने भएको छ । उनीहरुलाई थप नौ दिन थुनामा राखेर आवश्यक अनुसन्धान र छानबिन गर्न उच्च अदालत पाटनले अनुमति दिएको छ ।

अदालतले उनीहरलाई थुनामा राख्न राजस्व अनुसन्धान विभागलाई अनुमति दिएको हो । अरुलाई आगामी १० दिनसम्म थुनामा राखेर अनुसन्धान गर्न हिजो अदालतले अनुमति दिएको थियो । हालसम्म पक्राउ परेकामध्ये एक जना चिनियाँ नागरिक पनि छन् ।