विराटनगर जाँदै गरेका युवकको गोली हानी बाटैमा हत्या

धरानबाट विराटनगर हिँडेका एक युवाको जंगलमा गोलि हानेर हत्या भएको छ । 

विराटनगर-५ का २८ वर्षीय रोहित चौधरीको आज बेलुका सेउती खोला नजिकै जंगलमा गोली प्रहारबाट मृत्यु भएको हो । मुलघाटबाट विराटनगर जाँदै गरेका चौधरीमाथि सेउती खोला नजिकै जंगलमा गोली प्रहार भएको प्रहरीले जनाएको छ । 

गोली लागेर गम्भीर घाइते भएका उनलाई उपचारका लागि विपी कोइराला स्वास्थ्य विज्ञान प्रतिष्ठान धरान पुर्याइएकोमा त्यहि निधन भएको जनाइएको छ । 

प्रहरीका अनुसार धरान-इटहरी रोडमा पर्ने जंगलको सेउती पुल नजिकै गोली प्रहार गरि चौधरीमाथि लुटपाटसमेत भएको प्रहरीले जनाएको छ । चौधरीको साथमा रहेको मोबाइल र पैसा लुटिएको छ । 

सुनसरीका प्रहरी उपरीक्षक प्रभु ढकालले घटनाको अनुसन्धान भइरहेको बताए ।