युवतीलाई छ्यापेको एसिड अर्कैको शरीरमा पोखियो, १६ वर्षे किशोर पक्राउ

युवतीलाई लक्षित गरी एसिड प्रहार गर्ने एक जना पक्राउ परेका छन् ।

आज साँझ सुर्खेतको वीरेन्द्रनगर नगरपालिका-१४ मैकल बजार नजिक युवतीलाई एसिड छ्याप्न खोज्ने स्थानीय १६ वर्षीय आशिष सुनार समातिएका हुन् । बेलुका पाँच बजेतिर मैकल बजार नजिक बराहताल गाउँपालिका-१० की अन्दाजी १७ वर्षीया सोविता बुढालाई उनले एसिड प्रहार गर्न खोजेको जिल्ला प्रहरी कार्यालय सुर्खेतले जनाएको छ ।

एसिड युवतीलाई हान्न खोजिए पनि उनलाई नलागेर सोही ठाउँका नेत्रबहादुर शाहीको बायाँ हातमा लागेर घाइते भएका छन् । घाइतेको उपचार भइरहेको छ ।