लागुऔषधसहित दुई किशोर पक्राउ

उदयपुरको लालपत्ताबाट प्रतिबन्धित लागुऔषधसहित दुई जना किशोरलाई प्रहरीले नियन्त्रणमा लिएको छ । त्रियुगा नगरपालिका ४, फर्सेट बस्ने सत्यनारायण चौधरीको १८ वर्षे छोरा आयुस चौधरी र बलिराम चौधरीका १९ वर्षे छोरा दिपेश चौधरीलाई प्रहरीले हिरासतमा राखेको छ ।

दुवै अभियुक्तहरुको साथबाट प्रतिबन्धित लागुऔषध फेनार्गन–४१, डाईजेपाम–४३ र बु्रपिनोर्फिन–४४ एम्पुल गरि कुला १२८ एम्पुल लागुऔषध फेला परेको बताइएको छ । दुवैविरुद्ध आवश्यक अनुसन्धान भइरहेको प्रहरीको भनाई छ ।

उनीहरुविरुद्ध लागुऔषध नियन्त्रण ऐन २०३३ आकर्षित देखिएकाले उक्त ऐनबमोजिम कारबाही प्रक्रियाको निम्ति जिल्ला अदालत उदयपुरबाट पाँच दिनको म्याद लिएर थप अनुसन्धान भइरहेको जिल्ला प्रहरी कार्यालय उदयपुरका प्रवक्ता डिएसपी हरिनन्दन चौधरीले बताए ।