अपाङ्गताको आवरणमा दम्पती लागुपदार्थ कारोबारमा सक्रिय

प्रहरीले लागुऔषध कारोबारमा संलग्न भएको आरोपमा एक दम्पतीलाई पक्रेको छ । कैलालीमा खैरो हेरोइनसहित श्रीमान् श्रीमती पक्राउ परेका छन् ।

इलाका प्रहरी कार्यालय अत्तरियाबाट खटिएको टोलीले गोदावरी नगरपालिका–५, गेटा बस्ने २४ वर्षीय अन्तराम राना र उनकी श्रीमती २० वर्षीया अनिता रानालाई पक्राउ गरेको जानकारी दिएको छ ।

उनीहरुको कोठाबाट २ ग्राम खैरो हेरोइन बरामद गरिएको छ । उनीहरुले अपाङ्गताको आवरणमा भारतीय बजारबाट खरिद गरेर ल्याउने गरेको लागुऔषध स्थानीय युवालाई बिक्री गर्ने गरेको तथ्य पनि खुलेको छ ।