ठमेलको होटलमा छापा, सुन काण्डमा थप एकजना पक्राउ

राजश्व अनुसन्धान विभागले ठमेलको एउटा होटमा छापा मारेको छ । ज्याठा नजिकैको होटलमा भियनामा छापा मारेर एक जनालाई पक्राउ गरेको बताइएको छ ।

साउन पहिलो साता त्रिभुवन अन्तर्राष्ट्रिय विमानस्थलबाट बाहिरिएको झण्डै एक सय किलोग्राम सुन काण्डमा मुछिएका व्यक्तिहरु उक्त होटलमा रहेको आशंकामा विभागले छापा मारेको हो ।

पक्राउ परेका व्यक्तिसँगै केही कागजपत्र पनि फेला परेको जनाइएको छ । आज पक्राउ परेका दावा छिरिङको नागरिकता बेल्जियम भएको बताइएको छ । का नागरिक रहेको खुलेका छ ।

राजश्व अनुसन्धान विभागको टोलीले साउन २ गते त्रिभुवन अन्तर्राष्ट्रिय विमानस्थलको भन्सार जाँच पार गरेर बाहिरिएको एक क्विन्टल सुन सिनामंगलबाट बरामद गरेको थियो ।

उक्त काण्डमा हालसम्म १९ जना पक्राउ परेका छन् । ती अधिकांश ट्याक्सी चालक, ग्रामीण क्षेत्रका सर्वसाधारण हुन् ।