साथीको कुटाईले घाइते भएका ज्ञानबहादुर अस्पतालमा बिते

ललितपुरमा कुटपिटबाट एक जनाको ज्यान गएको छ । सर्लाही घर भई हाल ललितपुरको बालकुमारी बस्दै आएका ५३ वर्षीय ज्ञानबहादुर भन्ने हिम परियारको कुटपिटबाट निधन भएको हो । 

सोमबार सामान्य विवादमा सोही ठाउँ बस्ने ४३ वर्षीय शंकर तामाङले कुटपिट गर्दा गम्भिर घाइते भएका उनको उपचारको लागि पाटन अस्पताल लैजाने क्रममा मृत्यु भएको प्रहरी प्रभाग मंगलबजारले जनाएको छ । 

हाल तामाङलाई नियन्त्रणमा लिएर थप आवश्यक अनुसन्धान भइरहेको प्रहरीले जानकारी दिएको छ ।