मध्यरातमा भरुवा बन्दुकले हानेर श्रीमतीको हत्या

तनहुँमा गएराति एक पुरुषले श्रीमतीको हत्या गरेका छन् । व्यास नगरपालिका ५, मानुङमा भरुवा बन्दुकले हानेर श्रीप्रसाद आलेले ४७ वर्षीया श्रीमती गीताको हत्या गरेका हुन् ।

राति अन्दाजी ११ बजे श्रीप्रसादले हानेको भरुवा बन्दुकबाट घाइते भएकी श्रीमती गीताको दमौली अस्पतालमा मृत्यु भएको हो । जिल्ला प्रहरी कार्यालयका अनुसार मृतकका श्रीमानलाई गएराति नै नियन्त्रणमा लिइएको छ । 

घटनाको अनुसन्धान थालिएको प्रहरीले जनाएको छ ।