होटल कलेलमा जुवा खेलिरहेका दश जना जुवाडे समातिए

कैलालीमा दश जना जुवाडे खालबाटै समातिएका छन् । 

धनगढी उपमहानगरपालिका–४ बसपार्कस्थित होटल कलेलमा जुवा खेलिरहेको अवस्थामा डोटीका २५ वर्षीय अमित बोहरासहित दश जना समातिएका हुन् । विशेष सुराकीको आधारमा वडा प्रहरी कार्यालय धनगढीबाट खटिएको प्रहरी टोलीले उनीहरुलाई नियन्त्रणमा लिएको बताइएको छ । 

प्रहरीले उनीहरुको साथबाट एक लाख ४ हजार ८ सय १० रुपैयाँ नगद र २ तास बुक बरामद गरेको छ भने आवश्यक अनुसन्धान भइरहेको जनाइएको छ ।