श्रीमानले पड्काएको भरुवा बन्दुकले श्रीमती ठहरै

श्रीमतीको हत्याको आरोपमा प्रहरीले एक जनालाई समातेको छ । 

तनहुँको ब्यास नगरपालिका-५ मानुङकोटस्थित पिखरीगैराकी ४७ वर्षीया गीता आलेको हत्या गरेको अभियोगमा उनका श्रीमान ५६ वर्षीय श्रीप्रसाद आले पक्राउ परेका हुन् । उनीमाथि श्रीमतीलाई भरुवा बन्दुक प्रहर गरेको आरोप छ । 

श्रीमानले भरुवा बन्दुक प्रहार गर्दा गम्भिर घाइते भएकी गीताको जिल्ला अस्पताल दमौलीमा उपचारको क्रममा गएराति निधन भएको प्रहरीले जनाएको छ । प्रहरीले श्रीप्रसादलाई नियन्त्रणमा लिएर थप जाँचबुझ गरिरहेको छ ।