एक सातादेखि सम्पर्कविहीन युवक गाडिएको अवस्थामा भेटिए

कञ्चनपुरमा एक युवकको शव खाडलमा गाडिएको अवस्थामा फेला परेको छ । कृष्णपुर नगरपालिका–२, वाणीस्थित नवदुर्गा टोलका स्थानीय कुवेर दमाईको शव एक हप्तापछि उक्त अवस्थामा भेटिएको हो ।

प्रहरीले खोजी गर्ने क्रममा गएराति घर नजिकैको नदी किनारमा गाडिएको अवस्थामा उनको शव फेला पारेको बताइएको छ । शव परीक्षणका लागि महाकाली प्रादेशिक अस्पताल पुर्याइएको जिल्ला प्रहरी कार्यालय कञ्चनपुरले जनाएको छ ।

बस्ती नजिकैको खोलामा गन्ध आएपछि स्थानीयले प्रहरीलाई खबर गरेका थिए । स्थानीयले हत्याको आशंका गर्दै घटनाको सत्यतथ्य छानबिन गरेर दोषीउपर कारबाहीको माग गरेका छन् ।

घर नजिकैको खोलामा शव भेटिएपछि प्रहरीले आफन्त र नजिकका व्यक्तिमाथि हत्यामा संलग्न भएको आशंका गरेको छ ।