बागलुङ्गको जंगलमा आधा दर्जन बेवारिसे बन्दुक

बागलुङ्गको जंगलमा भरुवा बन्दुक फेला परेको छ । प्रहरीले बेवारिसे अवस्थामा छ थान बन्दुक फेला पारेको जनाएको छ ।गलकोट नगरपालिका १ स्थित सामुदायिक वनबाट एक थान र वडा नम्बर ३, भगवतीस्थानको ओढारबाट पाँच थान बन्दुक बरामद गरिएको जिल्ला प्रहरी कार्यालय, बागलुङ्गले जनाएको छ । 

प्रहरी नायव उपरीक्षक मदन केसीका अनुसार हटिया प्रहरी चौकीबाट खटिएको टोलीले पाँच थान र नरेठाँटी प्रहरी चौकीबाट खटिएको टोलीले एक थान बन्दुक फेला पारेको हो । 

‘बेवारिसे अवस्थामा फेला परेको बन्दुक जंगल र ओढारमा कसले र कुन प्रयोजनका लागि राखेको थियो भन्ने विषयमा अनुसन्धान भइरहेको छ । शिकारीले उक्त बन्दुक त्यहाँ राखेको हुनसक्ने प्रारम्भिक अनुसन्धानले देखाएको छ’, उनले भने । प्रहरीले यस विषयमा थप छानबिन अघि बढाएको छ ।