अश्लिल भिडियो कलसँगै सामाजिक सञ्जालमा नाङ्गो फोटो राखेर बालिकामाथि यौन दुर्व्यवहार
सामाजिक सञ्जालमार्फत् यौन हिंसा गरेको आरोपमा दुई जना पक्राउ परेका छन् । सिन्धुपलाञ्चोकको ईन्द्रावती गाउँपालिका ९ का समिर तामाङ र सुरेश तामाङलाई उक्त आरोपमा प्रहरीले पक्राउ गरेको हो ।
उनीहरुले फेसबुकको माध्यमबाट नाबालिकासँग प्रेम सम्बन्धको बहाना बनाउँदै अडियो र भिडियो कल गर्दै आएका थिए । निरन्तर रुपमा उक्त माध्यमबाट मानसिक तनाव दिएपछि बालिकाले आफ्नो प्रोफाइल ब्लक गरेको बताइन्छ ।
त्यसपछि अपरिचित व्यक्तिको अश्लील फोटो र भिडियोमा पीडित बालिकाको अनुहार जोडी सामाजिक सञ्जालमा प्रकाशन तथा प्रदर्शन गरेर उनीहरुले पीडितलाई मानसिक पीडा दिएको प्रहरीको भनाई छ । साईबर ब्यूरोबाट खटिएको प्रहरी टोलीले उनीहरुलाई अस्ति नियन्त्रणमा लिएको हो ।
जिल्ला अदालत काठमाडौंबाट ५ दिनको म्याद थपेर आवश्यक अनुसन्धान भइरहेको ब्यूरोले जनाएको छ ।
ट्रेन्डिङ पोस्ट
टिप्पणीहरू