६० वर्षीय छोराद्वारा ९० वर्षका बाबुको हत्या

जन्मदिने आफ्नै बाबुको हत्या गरेको आरोपमा छोरा पक्राउ परेका छन् । 

बाराको जितपुरसिमरा उपमाहनगरपालिका-१६ टांगिया वस्तीमा घरायासी विवाद हुँदा बाबुको हत्या गर्ने छोरालाई प्रहरीले पक्राउ गरेको हो । 

आज दिउँसो पौने १ बजेतिर रिसको आबेगमा ९० वर्षीय माइत सिंह घलानको हत्या गरेको खबर पुगेपछि ६० वर्षीय छोरा दिलबहादुर घलानलाई पक्राउ गरेको इलाका प्रहरी कार्यालय निजगढका प्रमुख तथा प्रहरी निरीक्षक घनश्याम श्रेष्ठले जानकारी दिए । 

घटनालगत्तै घटनास्थलमा पुगेको इलाका प्रहरी कार्यालय निजगढको टोलीले अनुसन्धान थालेको छ ।