सडकमा बुहारीमाथि ससुराद्वारा कुटपिट

बुहारी कुटेको आरोपमा बर्दियामा एक जना ससुरा पक्राउ परेका छन् । बारबर्दिया नगरपालिका ११, विजयनगरका ५३ वर्षीय भर्थरी चौधरीले बुहारीलाई सडकमा कुटपिट गरेका छन् ।  

कुटपिट गरेको भिडियो सामाजिक सञ्जालमा सार्वजनिक भएपछि प्रहरीले भर्थरीलाई पक्रेको हो । २६ वर्षीया बुहारी २६ प्रमिला थारुलाई उनले घरबाट सडकसम्म कुट्दै लगेको भिडियोमा देखिएको बताइन्छ । 

मदिरा सेवन गरेपछि भर्थरीले यसअघि पनि उनीमाथि कुटपिट हुँदै आएको थियो । छोरा जिल्ला बाहिर गएको मौकामा उनले बुहारीमाथि हातपात गर्ने गरेको बुझिन आएको छ ।

बुहारीलाई कुटेको देखेपछि रोक्न गएका महिला तथा स्थानीयमाथि समेत उनी जाइलागेका थिए ।