किशोरी बलात्कारको आरोपमा ६७ वर्षे बृद्ध समातिए

धनकुटामा १६ वर्षीया किशोरी बलात्कृत भएकी छन् । उनीमाथि जबरजस्ती करणी गरेको आरोपमा पाख्रिबास नगरपालिका वडा नं.८ का ६७ वर्षीय रंगलाल तामाङलाई प्रहरीले पक्राउ गरेको छ । 

गत आइतबार दिउँसो ती किशोरीलाई डर त्रास देखाई आफ्नै घरको कोठामा लगेर करणी गरेको उजुरीका आधारमा जिल्ला प्रहरी कार्यालय धनकुटाबाट खटिएको प्रहरी टोलीले उनलाई हिजो नियन्त्रणमा लिएको हो । 

घटनाका सम्बन्धमा थप जाँचबुझ भैरहेको प्रहरीले जनाएको छ ।