२६ लाख बोकेका कर अधिकृत विमानस्थलमा पक्राउ, अर्का कर्मचारी फरार

नेपालगञ्जबाट काठमाडौं आउन लागेका आन्तरिक राजस्व कार्यालय तुलसीपुर दाङका कर अधिकृत खगेन्द्र सापकोटा २६ लाख रुपैयाँसहित पक्राउ परेका छन् । उनलाई स्रोत नखुलेको रकमसहित नेपालगञ्ज विमानस्थलबाट पक्राउ गरिएको बताइएको छ ।

सापकोटासँगै काठमाडौं आउन लागेका सोही कार्यालयका कर्मचारी दिपक पौडल फरार भएका छन् । विमानस्थलमा लगेज जाँचका क्रममा सापकोटाको झोलाबाट उक्त रकम प्रहरीले बरामद गरेको हो ।

सापकोटा र पौडेल श्री एयरलाइन्सको उडानमा काठमाडौं आउने तयारीमा थिए । सापकोटालाई पक्रेर बाँके प्रहरीले अनुसन्धान थालेको छ भने पौडेलको व्यापक खोजी गरिएको जानकारी दिइएको छ ।