दश लाख लिएर फिल्म नखेलेका हिरोलाई अदालत लगियो

निर्मातासँग पैसा लिएर फिल्म खेल्न नमानेको आरोपमा अस्ति पक्राउ परेका अभिनेता अनमोल केसीलाई आज अदालत लगिएको छ । उनलाई म्याद थप गर्न टेकुस्थित जिल्ला प्रहरी परिसरबाट जिल्ला आदलत लगिएको हो । 

‘रावायण’ नामक फिल्मका लागि दश लाख रुपैयाँ लिएर पनि सुटिङका लागि नआएको भन्दै निर्माण कम्पनीको तर्फबाट सुप्रिया भन्ने चन्द्रकला कटुवालले उजुरी दिएपछि शुक्रबार साँझ केसीलाई प्रहरीले भक्तपुरको साँगाबाट पक्राउ गरेको थियो । पक्राउ परेपछि हिरासतमा बस्न नमानेका उनी महाराजगञ्जस्थित चिरायु अस्पतालमा भर्ना भएर बसेका थिए । 

फिल्मको निर्माण पक्षले केसीमाथि आपराधिक विश्वासघातको आरोप लगाएको छ । केसीले भने चलचित्रको स्क्रिप्ट मन नगरेपछि खेल्दिनँ भनेको बयान दिएका छन् ।