अहेवको जागिर गरेर करोडौँ कमाएका कोइराला भ्रष्टाचारमा तानिए
स्याङ्जाको चापाकोट नगरपालिकाका तत्कालिन सिनियर अहेव बिन्दु कोइराला भ्रष्टाचारमा तानिएका छन् ।
गैरकानूनी सम्पत्ति आर्जन गरी भ्रष्टाचार गरेको आरोपमा अख्तियार दुरुपयोग अनुसन्धान आयोगले झण्डै एक करोड बिगो मागदाबीसहित उनीविरुद्ध आज मुद्दा दायर गरेको हो ।
अहेव कोइराला २०५४ कात्तिक ५ गते निजामती सेवामा प्रवेश गरेका थिए । अख्तियारले २०७८ मंसिर २१ गतेसम्मको सम्पत्ति जाँचबुझ गर्ने क्रममा ९० लाख ३९ हजार ६२० रुपैयाँ स्रोत नखुलेको भेटिएको जनाएको छ ।
कोइरालाले गैरकानूनी रुपमा आर्जन गरेको सम्पत्ति आफ्नी पत्नी गीता कोइरालाको नाममा समेत राखेको पाइएको छ ।
अख्तियारले दायर गरेको अभियोग पत्रमा भ्रष्टाचार निवारण ऐन, २०५९ को दफा २९ बमोजिम गीतालाई समेत प्रतिवादी कायम गरी उक्त रकम जफत गर्न मागदाबी गरिएको छ ।
ट्रेन्डिङ पोस्ट
टिप्पणीहरू