राइसमिलमा जुवाको खाल, आठ जना जुवाडे पक्राउ

कञ्चनपुरमा राइसमिल बन्द गरेर जुवा खेल्दै गरेका आठ जना पक्राउ परेका छन् । भीमदत्त नगरपालिका ६, ऐठपुरस्थित चन्द्रदेव राइसमिलमा जुवातासमा रमाइरहेका आठ जना प्रहरी खोरमा पुगेका छन् । 

जिल्ला प्रहरी कार्यालय कञ्चनपुरबाट खटिएको टोलीले मिलका सञ्चालक पारस भट्टसहित उनीहरुलाई नियन्त्रणमा लिएको हो । जुवाडेसँगै २ लाख ८ हजार ४२६ रूपैयाँ र तास बरामद भएको छ ।