नक्कली अनुमति पत्र पेश गरेका शिक्षक अख्तियारको फन्दामा
पर्साको धोबिनी गाउँपालिकास्थित नेपाल राष्ट्रिय प्राथमिक विद्यालयमा कार्यरत शिक्षक जनार्दनप्रसाद कानुविरुद्ध भ्रष्टाचार मुद्दा दायर भएको छ ।
नक्कली अध्यापन अनुमति पत्र पेश गरी नियुक्ति लिएको आरोपमा अख्तियार दुरुपयोग अनुसन्धान आयोगले उनीविरुद्ध आज मुद्दा दायर गरेको छ ।
आयोगका प्रवक्ता नरहरि घिमिरेका अनुसार कानुले नक्कली प्राथमिक तह अध्यापन अनुमति पत्र पेश गरी शिक्षक पदमा नियुक्ति लिएको पाइएको छ ।
उनीविरुद्ध अख्तियारले भ्रष्टाचार निवारण ऐन, २०५९ को दफा १६ बमोजिम कैद र जरिवाना हुन मागदाबीसहित विशेष अदालत काठमाडौंमा मुद्दा दर्ता गरेको छ ।
ट्रेन्डिङ पोस्ट
टिप्पणीहरू