भक्तपुरका विपन्नलाई सित्तैमा इन्डक्सन चुल्हो
![भक्तपुरका विपन्नलाई सित्तैमा इन्डक्सन चुल्हो](https://janaaastha.prixacdn.net/media/albums/4b0298ce-e03d-4655-8d31-964c9014c513_YBCQanhq1u.jpeg)
भक्तपुरमा गरिब, असहाय तथा विपन्न नागरिकलाई निःशुल्क इन्डक्सन चुल्हो वितरण गरिएको छ । भक्तपुर नगरपालिका वडा नम्बर, २ का असहाय तथा विपन्न स्थानीयलाई चुल्हो दिइएको हो ।
वडाध्यक्ष हरिप्रसाद बासुकलाले आज एक कार्यक्रमका बीच ६० जना स्थानीय बासिन्दालाई इन्डक्सन चुल्हो प्रदान गरे । नगरपालिकाबाट उत्पादित मल, बीउबिजनसमेत स्थानीय कृषकहरुलाई आवश्यकताअनुरुप निःशुल्क रुपमा वितरण गर्दै आइरहेको उनले जानकारी दिए ।
वडा कार्यालय जनताको सेवामा सक्रिय रहेको उल्लेख गर्दै वडाध्यक्ष बासुकलाले विकास निर्माण एंव सम्पदा पुनर्निमार्णमा स्थानीयको सहभागिताले जनविश्वास थप बढ्ने विश्वाससमेत व्यक्त गरेका छन् ।
टिप्पणीहरू