श्रीकृष्ण जन्माष्टमीमा दोहास्थित नेपाली दूतावास बन्द

कतारको दोहास्थित नेपाली राजदूतावास भोलि बन्द रहने भएको छ । श्रीकृष्ण जन्माष्टमी परेकाले भोलि दूतावास बन्द रहने जानकारी दिइएको छ । 

‘श्रीकृष्ण जन्माष्टमीको अवसरमा मिति २०८१ भदौ १० गते सोमबार तदनुसार २६ अगस्ट, २०२४ का दिन राजदूतावास बन्द रहने व्यहोरा सम्बन्धित सबैलाई जानकारी गराइन्छ’,जारी सूचनामा उल्लेख छ । 

श्रीकृष्ण जन्माष्टमी हिन्दू धर्मावलम्बीहरुको महत्वपूर्ण पर्वमध्ये एक हो । प्रत्येक वर्ष भाद्र कृष्ण अष्टमीका दिन यो पर्व मनाइन्छ । 

भोलि मध्यरातमा श्रीकृष्णको धातुको प्रतिमालाई पञ्चामृतले स्नान गराइन्छ । यस दिन श्रीकृष्णको पूजाआजा गर्नुले मनोकामना पूरा हुने जनविश्वास छ । सो अवसरमा सरकारले सार्वजनिक बिदा दिँदै आएको छ ।