चिनियाँ लामाको सपरिवार काठमाडौं आगमन

चिनियाँ लामा तथा अवतारी धर्मगुरु रिन्पोछे भूपति बज्रलामा सपरिवार काठमाडौं आएका छन् । उनी क्याथे प्यासिफिकको उडान नम्बर सीएक्स ६०३ मा हङकङबाट हिजो राति १० बजे काठमाडौं आइपुगेका हुन् ।

उनीसँगै गुरुआमा सिमु खान्ड्रो च्योङ होई चिङ र छोरी यशोधर ताई लामा पनि काठमाडौं आएका छन् । भूपति बौद्ध मेलम्ची घ्याङ गुठीका प्रमुख संरक्षक पनि हुन् । 

उनी बेला बेलामा विवादमा आउने गरेका छन् । यसअघि उक्त गुठीमा गुठी संस्थानले गरेको भूपतिको नियुक्तिलाई लिएर बौद्ध समुदायभित्रै विरोध भएको थियो ।