ओमानी विदेशमन्त्री विमानस्थलबाट सोझै सोल्टी होटलमा

ओमानका विदेशमन्त्री सैयद बदर बिन हमद अल बुसैदी दुई दिने नेपाल भ्रमणमा आएका छन् । परराष्ट्रमन्त्री डा. आरजू राणा देउवाको निमन्त्रणामा विदेशमन्त्री सैयद सात सदस्यीय टोलीको नेतृत्व गर्दै विशेष विमानमा साढे ४ बजे त्रिभुवन अन्तर्राष्ट्रिय विमानस्थलमा ओर्लिएका हुन् । 

परराष्ट्र मन्त्रालयका सचिव सेवा लम्सालले विमानस्थलको विशिष्ट कक्षमा स्वागत गरेपछि विदेशमन्त्री नेतृत्वको टोली सोल्टी होटलतर्फ गएको हो ।

टोलीमा अब्दुल अजिज मोहम्मद सैफ अलबुसैनी, ने जुद मोहम्मद नसिर अलखैसिबी, अलजुलान्दा हिलाल खलिद अल मवाली, मोसा सैयद मोहम्मद अल साल्ती र मोहम्मद मोसा अब्दुल्लाह अल बालुसी रहेको परराष्ट्र मन्त्रालय स्रोतले जनाएको छ ।