आतंककारी हमलाको धम्कीवीच भारतीय वायुसेना प्रमुख नेपाल आउँदै

भारतीय वायुसेनाका नवनियुक्त प्रमुख अमरप्रित सिंह नेपाल आउन लागेका छन् । 

यसै हप्ता उनले नेपालको औपचारिक भ्रमण गर्न लागेको र यहाँस्थित भारतीय दूतावासले सो को तयारी गरिरहेको बुझिएको छ । भ्रमणबारे सरकारी तवरबाट औपचारिक जानकारी भने गराइएको छैन ।  

भारतीय जहाजहरुमाथि आतंककारी बम आक्रमणको धम्की बढिरहेको र भिस्तारासहित एअर ईन्डियाको नेपाल आउने जहाज पनि  सो को अनाहक शिकार बन्दै गरेको बेला अघिल्लो महिना असोज १४ गते सोमवार वायुसेनाको २८ औं  प्रमुखका रूपमा जिम्मेवारी सम्हालेका उनको आगमन आफैमा चासोको बिषय बन्न पुगेको छ ।