यस्तो छ टेलिकमको मल्टिपल टिभी जडान व्यवस्था
नेपाल टेलिकमले मल्टिपल टिभी जडान गर्न लागेको छ । कर्पोरेट ग्राहकलाई लक्षित गर्दै मल्टिपल टिभी जडानको व्यवस्था गरिएको जनाइएको छ ।
अब टेलिकमका कर्पोरेट ग्राहकले चार वटा वा सोभन्दा बढी टिभीका लागि सहुलियत दरमा बेसिक तथा प्रिमियम प्याकेज खरिद गर्न सक्नेछन् ।
चारदेखि १० वटा टिभी जडान गर्ने ग्राहकले प्रति सेटअप बक्स दुई हजार नौ सय २८ रुपैयाँमा एक वर्ष वारेन्टीसहित खरिद गर्नसक्ने टेलिकमले जनाएको छ ।
त्यस्तै, ११ भन्दा बढी टिभी जडान गर्ने ग्राहकले प्रति सेटअप बक्स दुई हजार आठ सय २५ रुपैयाँमा एक वर्ष वारेन्टीसहित किन्न सक्नेछन् ।
यस सम्बन्धी थप जानकारी आवश्यक पर्नेलाई १९८ मा कल गर्न वा नजिकैको कम्पनीको कार्यालयमा सम्पर्क गर्न सुझाइएको छ ।
ट्रेन्डिङ पोस्ट
टिप्पणीहरू