भाइटीका नलगाई बेलायत गएका आइजिपी भैरहवा हुँदै फिर्ता
प्रहरी महानिरीक्षक बसन्तबहादुर कुँवर स्वदेश फर्केका छन् । उनी बेलायतको ग्लास्गोमा आयोजित इन्टरपोलको ९२ औं महासभामा सहभागी भएर आज अपरान्ह स्वदेश आइपुगेका हुन् ।
श्रीमती लक्ष्मी कुँवर,सशस्त्र प्रहरी बलका नायव महानिरीक्षक अञ्जनीकुमार पोखरेलसहित त्यता गएका उनी फ्लाई दुबईको उडान नम्बर एफजेड ८६३९ मा अपरान्ह सवा ४ बजे भैरहवा हुँदै काठमाडौं आइपुगेको बुझिएको छ । उक्त उडान पहिले भैरहवास्थित गौतम बुद्ध अन्तर्राष्ट्रिय विमानस्थलमा अवतरण गरेर बल्ल काठमाडौं आएको हो ।
आजै भूतपूर्व प्रहरी महानिरीक्षक सर्वेन्द्र खनाल भारतको राजधानी नयाँ दिल्ली पुगेका छन् । उनी नेपाल वायुसेवाको उडान नम्बर आरए २१७ मा दिउँसो साढे २ बजे गएका हुन् ।
उनी बेला बेलामा नयाँ दिल्ली जाउआउ गरिरहन्छन् । विगतमा झैँ यस पटक पनि खनालको नयाँ दिल्ली भ्रमणबारे केही खुलाइएको छैन ।
ट्रेन्डिङ पोस्ट
टिप्पणीहरू