झाँक्रीका कारण शंखरापुरमा आन्दोलन

झाँक्री प्रकाश भुजेलले चलाएको कारको ठक्करबाट घाइते मोटरसाइकल चालकको मृत्यु भएपछि शंखरापुरका स्थानीय आन्दोलनमा उत्रिएका छन् ।

हिजो दिउँसो शंखरापुर नगरपालिका–९ स्थित साँखु–थली सडकखण्डको महादेव खोला नजिक उनले चलाएको बा.१९ प २६९५ नम्बरको टोयोटा ल्याण्ड क्रुजर कारले बागमती प्रदेश –०२–०१८ प ६८७५ नम्बरको मोटरसाइकललाई ठक्कर दिएको थियो ।

ठक्करबाट मोटरसाइकलमा सवार दुई जना गम्भीर घाइते भएका थिए । तीमध्ये एकजनाको मृत्यु भएको प्रहरीले जनाएको छ । 

घाइतेको निधनपछि मृतकका आफन्त तथा कागेश्वरी मनहरा–२ का स्थानीय आन्दोलित भएका हुन् । करिब डेढ सयको संख्यामा उपस्थित स्थानीय सडकको दायाँ–बायाँ किनारामा बसेर शान्तिपूर्ण आन्दोलन गरिरहेका छन् ।

भुजेलले चलाएको कार मोटरसाइकलाई समेत ठक्कर दिएर पसलभित्र छिरेको थियो ।