सुदूरपश्चिममा आज र भोलि बिदा

सुदूरपश्चिम प्रदेश सरकारले थारु समुदायको माघी (माघ) पर्वको अवसरमा आज प्रदेशभर सार्वजनिक बिदा दिएको छ । सुदूरपश्चिमका थारु समुदायमा माघी पर्व आजदेखि प्रारम्भ हुने भएकाले प्रदेश सरकारले सार्वजनिक बिदा दिने निर्णय गरेको जनाइएको छ । 

आज थारु समुदायमा बंगुर (जिता) को मासु खाँदै माघी प्रारम्भ गरिन्छ । आजको दिनलाई जिता पर्व भनिन्छ । 

यता संघीय सरकारले भोलि माघ १ गते राष्ट्रिय पर्वको रूपमा सार्वजनिक बिदा दिएको छ ।