एसईई परीक्षा आगामी चैत ७ गतेदेखि १९ सम्म
२०८१ सालको एसईई परीक्षा आगामी चैत ७ गतेदेखि हुने भएको छ । परीक्षा नियन्त्रण कार्यालय सानोठिमी भक्तपुरका अनुसार १३ दिनसम्म हुने परीक्षा चैत १९ गते सम्पन्न हुने छ ।
पहिलो दिन अनिवार्य अङ्ग्रेजीसँगै संस्कृत वेद विद्याश्रमतर्फ अनिवार्य संस्कृत र मदरसातर्फ अनिवार्य अरेबिक भाषाको परीक्षा तोकिएको छ ।
भोलिपल्ट अनिवार्य नेपाली, चैत १० गते अनिवार्य गणित र १२ गते अनिवार्य विज्ञान विषयको परीक्षा हुने जनाइएको छ । चैत ९ गते शनिबार र ११ गते सोमबारका दिन परीक्षा राखिएको छैन ।
टिप्पणीहरू