पाकिस्तान पुगेका सैनिक अधिकारी सारजाह हुँदै फिर्ता
अध्ययन भ्रमणका लागि पाकिस्तानमा पुगेको नेपाली सेनाको एउटा टोली स्वदेश फर्किएको छ ।
सैनिक कमाण्ड तथा स्टाफ कलेजमा अध्ययनरत स्वदेशी तथा विदेशी सेनाका अधिकृतहरु आज एयर अरेबियाको उडानमा सारजाह हुँदै काठमाडौँ आइपुगेका हुन् । उपरथी कृष्णदेव भट्ट नेतृत्वको १६ सदस्यीय टोली साताव्यापी अध्ययन भ्रमणका लागि गत माघ २ गते पाकिस्तान पुगेको थियो ।
वैशाख ३ गतेदेखि स्टाफ कलेजमा सञ्चालन भइरहेको सि.सं. ३१ कमाण्ड तथा स्टाफ तालिममा सहभागी शिक्षक तथा शिक्षार्थी अधिकृत शैक्षिक पाठ्यक्रमअन्तर्गत अध्ययन भ्रमणमा गएको नेपाली सेनाले जनाएको छ ।
ट्रेन्डिङ पोस्ट
टिप्पणीहरू