अर्का भारतीय पाहुना आइपुगे

भारतीय विदेश सचिव हर्षवर्धन श्रृंगला दुई दिने भ्रमणको लागि काठमाडौं आइपुगेका छन् । दुई देशबीच झण्डै एक वर्षदेखि कायम रहेको तिक्ततापूर्ण सम्बन्धलाई सुधार्न छ सदस्यीय प्रतिनिधिमण्डलको नेतृत्व गर्दै श्रृंगला नेपाल आएका हुन् ।

भारतीय प्रतिनिधिमण्डल र नेपालका विदेश सचिव भरतराज पौड्याल नेतृत्वको प्रतिनिधिमण्डलबीच आजै औपचारिक वार्ताको कार्यक्रम रहेको छ । श्रृंगलाले राष्ट्रपति विद्यादेवी भण्डारी,प्रधानमन्त्री केपी शर्मा ओली र परराष्ट्र मन्त्री प्रदीप ज्ञवालीसँग पनि शिष्टाचार भेटवार्ता गर्ने कार्यक्रम छ ।