प्रतिगमनविरुद्ध स्रष्टा

प्रधानमन्त्री केपी शर्मा ओलीले गर्नुभएको प्रतिनिधिसभाको असंवैधानिक विघटनविरुद्ध अग्रगमनपक्षीय सष्टाहरुले आन्दोलन गरेका छन् ।

हिजो शुक्रबार अपरान्ह प्रदर्शनी मार्गस्थित भृकुटीमण्डपबाट संगीतकार राजन मुकारुङको नेतृत्वमा प्रतिगमनविरुद्ध निरन्तर अग्रगमनको पक्षमा स्रष्टा आन्दोलनको र्याली निकालिएको हो ।

र्‍याली भृकुटीमण्डपबाट भद्रकाली, शहीदगेट, न्यूरोड हुँदै वसन्तपुर डबलीमा पुगेको थियो । कार्यक्रममा वैज्ञानिक समाजवादी पार्टीका अध्यक्ष विश्वभक्त दुलाल (आहुती), साहित्यकार बलराम तिमिल्सिना, नेकपा क्रान्तिकारी माओवादीका सल्लाहकार सदस्य जगदीश भण्डारीलगायतका साहित्यकारहरुको बाक्लो उपस्थिति थियो ।