गुटबन्दी बालुवाटारबाटै शुरु,युवा भेला ११ बजे

नेकपा (एमाले) को युवा संघ नेपालको राष्ट्रिय भेला वरिष्ठ नेता तथा पूर्वप्रधानमन्त्री माधवकुमार नेपालको प्रमुख आतिथ्यमा अहिले बिहान हुँदैछ । राष्ट्रिय सभा गृह,भृकुटी मण्डपमा हुन लागेको भेलालाई बालुवाटारले गुट भेलाको संज्ञा दिएको छ ।

तर, गुटको भेला बालुुवाटारबाट शुरु गरिएको एमालेको अर्को पक्षको दाबी छ । ‘अघिल्लो शनिबार भृकुटीमण्डपमा एमाले निकट महिलाहरूको एक हजारको पहिलो भेला गर्ने को थियो ? त्यो पार्टीको कहिलेको निर्णयबाट आयोजना गरिएको थियो ?’ भन्दै नेपाल–खनाल समूहले प्रश्न गरेको छ ।

त्यहि भेलाबाट कुर्लि कुर्लि ७ गते केन्द्रीय समितिको बैठक बोलाएको छु,कान खोलेर सुन्न आग्रह गर्ने प्रधानमन्त्री तथा एमाले अध्यक्ष केपी शर्मा ओली हुनुहुन्थ्यो । ‘यहिँबाट निम्तो छ,अन्यथा, विधि विधान र नियमको प्रसंग उठाएर कारबाहीको चेतावनी’ पनि त्यहि गुटको भेलाबाट दिइएको थियो ।

प्रधानमन्त्रीले नेकपाको अध्यक्ष छँदै पार्टीभित्र अल्पमतमा परेपछि जनवर्गीय संगठनलाई आफू अनुकूल बनाउन विभिन्न पहल गर्नुभएको थियो । पुस ५ गते प्रतिनिधिसभा विघटनपछि उहाँले छुट्टै किसान संघ खोल्नुभएको थियो । युवा संघ,विद्यार्थी संगठन, पेशागत बुद्धिजीवी सबैतिर आफ्नो समूहको छुट्टै बनाएको सन्दर्भलाई बालुवाटारले गुट ठानेको छैन ।

पार्टीका पदाधिकारीझैँ निर्वाचित जनवर्गीय संगठनको औचित्यलाई निमिट्यान्न पारेर यसबीच गरिएका पुनगर्ठन वा नयाँ संगठनको उपस्थिति कसले गर्यो भन्ने प्रश्न उठेको छ । प्रधानमन्त्री तथा पार्टी अध्यक्षका एकपक्षीय निर्णय र व्यवहारले आफूहरूलाई बाध्य बनाएको भन्दै नेपाल तथा खनाल समूहले आज युवा संघको राष्ट्रिय भेला बोलाएको बताएको छ ।