शताब्दीपुरुष सम्मानित

संस्कृतिविद् तथा शताव्दीपुरुष सत्यमोहन जोशीलाई काठमाडौंमा सम्मान गरिएको छ ।

नगेन्द्रप्रसाद आशालता रिजाल प्रतिष्ठान बिराटनगरले आज जोशीलाई सम्मान गरेको हो । नेपाली भाषा,साहित्य र संस्कृतिको संरक्षण तथा सम्वर्धनमा अतुलनीय योगदान पुर्याएवापत जोशीलाई १ लाख १ हजार १ सय ११ रुपैयाँसहित सम्मानपत्र प्रदान गरिएको थियो ।

उहाँलाई नेपाल प्रज्ञा प्रतिष्ठानका कुलपति गंगाप्रसाद उप्रेतीले सम्मान गर्दै उहाँले नेपाली भाषा, साहित्य र संस्कृति संरक्षणको क्षेत्रमा गर्नुभएको योगदानको प्रशंसा गर्नुभयो ।

त्यसैगरी,नेपाली काँग्रेसका नेता डा.मिनेन्द्र रिजालले भाषा,साहित्य र संस्कृति संरक्षण तथा सम्वर्धनमा योगदान पुर्याउनेलाई सबैले सम्मान गर्नुपर्ने बताउनुभएको थियो ।